Almaty oblysynda «sýbsıdııa alyp beremin» dep 30 mln alǵan alaıaq ustaldy

ALMATY. KAZINFORM — Qarasaı aýdanynyń turǵyndary aýdandyq polıtsııa bólimine alaıaqtyq deregi boıynsha aryzdanǵan. Jábirlenýshilerdiń aıtýynsha, beıtanys áıel memleket beretin óteýsiz granttardy alýǵa, sondaı-aq turǵyn úı qorynan páter alýǵa kómek kórsetýge ýáde etken. Zalaldyń jalpy somasy 30 mıllıon teńgeden asty.

— Alaıaq senimdi azamattarǵa kásipkerlikti damytý jónindegi ulttyq joba sheńberinde beriletin óteýsiz grant alýǵa kómektesýge ýáde berdi. Bul rette qajetti shyǵystarǵa, sondaı-aq jańa bıznesti bastaýǵa jáne damytýǵa ótinimderdi maquldaý úshin beriletin memlekettik grant kóleminiń 10%-yn tóleý qajet dep málimdedi. Sonymen qatar, alaıaq memlekettik turǵyn úı qorynan páter berý boıynsha alaıaqtyq shemalarmen jumys istedi. Barlyǵy tek ýáde kúıinde qaldy, - dedi Qarasaı aýdandyq polıtsııa bastyǵy Elzat Qanatuly.

Almaty oblysy Polıtsııa departamenti málimetinshe, alaıaq anyqtalyp, ustalǵan. Ol jergilikti turǵyn. Sondaı-aq qazirgi ýaqytta onyń 10-nan astam osyndaı qylmystarǵa qatysy bar ekendigi dáleldengen. Tergeý kezeńinde kúdikti úı qamaýynda ustalady.

Eske salaıyq, buǵan deıin Almatyda basshysyn baltamen óltirmek bolǵan kúdikti ustalǵanyn jazǵan edik.