Almaty oblysynda sý tasqynyna daıyndyq qalaı júrip jatyr

QONAEV. KAZINFORM – Almaty oblysynda TJD mamandary kóktemdegi sý tasqyny qaýipiniń aldyn alý sharalaryn qolǵa aldy.

Oblystyq TJD tótenshe jaǵdaılardyń aldyn alý basqarmasynyń bas mamany Ernazar Qyrǵyz óńirde 72 sý qoımasy, 116 toǵan men 10 bóget tekserilip, 99 magıstraldyq kanal baqylaýǵa alynǵanyn aıtty.

Onyń sózinshe, oblysta sý deńgeıin baqylaý úshin 42 gıdropost jumys jasaıdy.

- Sý basý qaýpi bar aımaqtar táýekel belgilerine qarap úsh topqa bólindi. Qyzyl aımaqqa - Jambyl, Qarasaı, Talǵar Eńbekshiqazaq pen Іle aýdandary jatady. Al Raıymbek, Kegen jáne Uıǵyr aýdandarynda qaýip deńgeıi ortasha. Balqash aýdany, Alataý jáne Qonaev qalalarynda táýekel shegi tómen dep belgilendi, - dedi ol.

TJD ókili qazirge deıin 57 shaqyrym aryq pen 37 shaqyrym kanal tazalanyp, 48 sý ótkizý qubyry retke keltirilgenin atap ótti. Jalpy oblysta sý tasqyny bolǵan jaǵdaıda 1136 qyzmetker men 347 arnaıy tehnıka jumyldyrylady.

Eske salaıyq, buǵan deıin Qazaqstan joldary sý tasqynyna qanshalyqty daıyn ekenin jazǵanbyz.