Almaty oblysynda sý basý qaýpi joǵary 13 ýchaske anyqtaldy
ALMATY. KAZINFORM — Almaty oblysynyń tórt aýdanynda sý basý qaýpi joǵary 13 ýchaske anyqtaldy.
Almaty oblysy ákimdiginen málim etkendeı, kún saıyn sý basý qaýpi bar aımaqtarǵa monıtorıng júrgiziledi. Tótenshe jaǵdaılardyń aldyn alý úshin jańadan ázirlengen «Tasqyn» aqparattyq júıesi engizilip, mamandar arnaıy oqýdan ótip jatyr.
— 63,6 shaqyrym aryq jelisi men 30 shaqyrym kanal qardan, muzdan jáne qoqystan tazartyldy. 78 sý ótkizý qubyry (avtomobıl jáne temirjol astyndaǵy) qalpyna keltirildi. Eldi mekenderden qar shyǵarý úshin 6 arnaıy oryn belgilendi, merdigerlik uıymdarmen kelisim jasaldy. 17 myń tekshe metr qar shyǵaryldy, — dep habarlady ákimdikten.
Budan bólek, óńirde sý deńgeıin baqylaý úshin 42 gıdropost ornatyldy. Onyń 27-si «Qazgıdrometke», al 15-i «Qazseldenqorǵaý» mekemesine tıesili. Oblystyń 4 aýdanynda sý tasqyny qaýpi joǵary 13 ýchaske anyqtaldy. Bul aımaqtarda 11 myńnan astam turǵyn úı bar. Onda 34 myńnan astam adam turady.
Sonymen qatar sý tasqyny kezinde úzdiksiz jumysty qamtamasyz etý úshin
1136 maman jáne 347 arnaıy tehnıka daıyndaldy.
Osyǵan deıin elimizdiń barlyq sý qoımalary sý tasqyny kezeńine daıyndalyp jatqany týraly jazǵan edik.
Sondaı-aq Tasqyn sý boljaý júıesi qoldanysqa berildi.