Almaty oblysynda stýdentter meteospýtnık ushyrdy

TALDYQORǴAN. KAZINFORM – Almaty oblysynda Konstıtýtsııanyń 30 jyldyǵyna oraı stýdentter meteospýtnıkti áýege kóterdi, dep habarlaıdy QR Ǵylym jáne joǵary bilim mınıstrligi.

Satbayev University bazasynda «AlfaSat-SU» formatyndaǵy 1U meteospýtnıgin ushyrý boıynsha ǵylymı ekspedıtsııa ótti. Іs-sharany ýnıversıtettiń Aqparattyq jáne ǵaryshtyq tehnologııalardyń ulttyq ǵylymı zerthanasy ál-Farabı atyndaǵy QazUÝ-dyń qatysýymen uıymdastyrdy. Eksperıment tamyz aıynyń sońynda Іle aýdanynyń Aqshı aýylynda júzege asty.

AlfaSat-SU meteospýtnıgi qysym, temperatýra jáne ylǵaldylyq datchıkterimen jabdyqtaldy. Ol 6,5 shaqyrym bıiktikke kóterilip, qajetti meteorologııalyq derekterdi jınap, keıin parashıýt arqyly jerge sátti oraldy.

Mamandardyń aıtýynsha, qurylǵyny áskerı maqsatta da qoldanýǵa bolady. Atap aıtqanda, tómen bıiktikte ushýdy qamtamasyz etý, ballıstıkalyq traektorııalardy esepteý jáne baılanys júıelerin ońtaılandyrý múmkindigi bar.

Joba stýdentter úshin tájirıbelik alańǵa aınaldy. Ushyrylym nátıjesinde jınalǵan derekter kompıýterlik modeldeý qorytyndylarymen salystyrylady. Sonymen qatar olar oqý baǵdarlamalaryna engizilip, bolashaqta ǵylymı maqalalar men granttyq zertteýlerge negiz bolady.

Aıta keteıik, atom energetıkasy salasyna kadr daıyndaý máselesi sheteldik JOO-men birlese sheshiledi.