Almaty oblysynda sot zalynan qashyp ketken kúdikti 13 kúnnen keıin ustaldy

QONAEV. KAZINFORM — Kúdikti Aqshı aýylynda ustaldy.

Almaty oblysy Polıtsııa departamentiniń málimetinshe, 1 sáýir kúni Qarasaı aýdanaralyq mamandandyrylǵan qylmystyq sotynyń aýmaǵynan qashyp ketken kúdiktini QR ІІM krımınaldyq polıtsııa departamentiniń qyzmetkerleri ustaǵan.

Jedel-izdestirý is-sharalarynyń nátıjesinde qashqynnyń qozǵalý baǵyty anyqtalyp, tártip saqshylary onyń jasyrynǵan jerin tapqan.

— Arnaıy bólim sarbazdarynyń kúshimen kúdikti ustalyp, ýaqytsha ustaý ızolıatoryna qamaldy. Negizgi qylmysynan bólek, oǵan qamaýdan qashqany úshin Qylmystyq kodekstiń tıisti baby boıynsha qosymsha aıyp taǵyldy, — dep habarlady departamentten.

Eske salaıyq, buǵan deıin Almaty oblysynda aıyptalýshy sot zalynan qashyp ketkenin jazǵanbyz.