Almaty oblysynda sot oryndaýshy balalardyń alımentin urlaǵan

ALMATY. KAZINFORM - Almaty oblysynda jeke sot oryndaýshysy bir jarym jyl boıy alıment jymqyrǵan, dep habarlaıdy QR Bas prokýratýrasynyń baspasóz qyzmeti.

Baspasóz qyzmetiniń málimetterine qaraǵanda, bir jarym aıda boryshkerdiń jalaqysynan sot oryndaýshysynyń arnaıy shotyna balany asyraýǵa dep 816 myń teńge aýdarylǵan.

Sot oryndaýshysy bul aqshany balanyń anasynyń shotyna ári qaraı aýdarmaǵan.

Bul rette, alıment aýdarýshynyń adaldyǵyna qaramastan, sot oryndaýshysy boryshkerdiń júrgizýshi kýáliginiń qoldanylýyn toqtata turýǵa deıingi barlyq shekteý sharalaryn qabyldady.

Sot oryndaýshysynyń joǵaryda atalǵan zańsyz áreketteriniń nátıjesinde ákesi jumysynan jáne tabys kózinen, al balasy ózine tıesili alımentterden aıyryldy.

Oblys prokýratýrasy joldaǵan materıaldar boıynsha polıtsııa Departamenti sot oryndaýshysyna qatysty QR QK 251-baby (Jeke sot oryndaýshysynyń ókilettikterin teris paıdalaný) boıynsha qylmystyq is qozǵady.

Sondaı-aq, boryshkerdiń júrgizýshi kýáligi qalpyna keltirilip, burynǵy jumysyna qaıta ornalastyryldy.