Almaty oblysynda sońǵy tórt jylda 10 jańa mádenıet nysany el ıgiligine berildi
ASTANA.KAZINFORM — Almaty oblysy Qarasaı aýdany Jibek joly aýylynda 200 kórermenge arnalǵan jańa mádenıet úıi ashyldy. Jańa mekeme mádenı is-sharalardy ótkizýge jáne aýyl turǵyndarynyń bos ýaqytyn uıymdastyrýǵa arnalǵan zamanaýı alańǵa aınalady. Bul týraly Úkimet málim etti.
5 gektar aýmaqta ornalasqan mádenıet úıiniń qurylysyna 658 mln teńge jumsaldy. Ǵımaratta 200 oryndyq kórermen zaly, sahna jáne shyǵarmashylyq sabaqtarǵa arnalǵan kabınetter bar. Munda kontsertter, teatrlandyrylǵan qoıylymdar jáne basqa da mádenı is-sharalar ótedi, dombyra, jyr-terme, vokal, bı jáne qoldanbaly óner úıirmeleri, aqyndarǵa arnalǵan «Shejire» tálimgerlik ortalyǵy jáne aǵa býyn ansambli jumys isteıdi.
Jańa nysan bazasynda balalar men jastardyń shyǵarmashylyq qabiletterin damytý, ulttyq ónerdi qoldaý jáne dástúrlerdi saqtaý úshin jaǵdaılar jasalatyn bolady. Almaty oblysynda mádenı ınfraqurylym turaqty damyp keledi.
— Sońǵy tórt jylda bul maqsattarǵa 52,6 mlrd teńge baǵyttaldy, 10 jańa mádenıet nysany salyndy jáne 19 mádenıet úıi jóndeldi. Atap aıtqanda, Kegen aýdanynyń Jalaǵash jáne Jylysaı, Іle aýdanynyń Ótegen batyr jáne Jambyl aýdanynyń Mátibulaq aýyldarynda jańa mádenıet úıleri ashyldy, — delingen habarlamada.
Osy jyly Jambyl aýdany Shıen aýylynda mádenıet úıiniń qurylysy aıaqtaldy. Demeýshilerdiń qoldaýymen Balqash aýdandyq tarıhı-ólketaný murajaıynyń jańa ǵımaraty ashyldy.
Jańa mádenıet nysandarynyń qurylysy Jambyl aýdany Qarǵaly jáne Іle aýdany Boraldaı kentterinde júrgizilýde. Mádenıet úıleri men basqa da nysandardy jańǵyrtý jumystary kezeń-kezeńimen júzege asyrylatyn bolady. Tutastaı alǵanda, elde mádenı ınfraqurylym dáıekti túrde damýda jáne mádenıet mekemeleriniń materıaldyq-tehnıkalyq bazasy jańartylyp jatyr.
2025 jyly úsh jańa kitaphana salyndy, 13-i kúrdeli jóndeýden ótti jáne taǵy 64-i aǵymdaǵy jóndeýmen qamtyldy, 197 kitaphanada materıaldyq-tehnıkalyq baza jańartyldy.
Bıyl jumystar salynyp jatqan 64 mádenıet nysanyn jáne jóndeý júrgizilip jatqan 130 obektini qamtıdy. Bir mezgilde óńirlerde teatrlardy, murajaılardy, vızıt-ortalyqtar men shyǵarmashylyq bilim berý nysandaryn salý jáne rekonstrýktsııalaý boıynsha jobalar júzege asyrylyp jatyr.
Aıta keteıik, Astanada qaıtarylǵan aktıvter esebinen 1200 oqýshyǵa arnalǵan jańa mektep salynady.
