Almaty oblysynda «Sonar-2024» halyqaralyq qusbegiler týrnıri ótti
QONAEV. KAZINFORM — Almaty oblysynyń Raıymbek aýdanynda qusbegilerdiń «Sonar-2024» halyqaralyq týrnıri ótti. Búrkitshiler jarysyna eldiń ár aımaǵynan 80-nen astam qusbegi qatysty.
Týrnırdiń negizgi maqsaty — qazaq halqynyń baı murasy bolyp tabylatyn qusbegilik ónerin dáripteý jáne sheteldik qatysýshylar arasynda tájirıbe almasý boldy.
Týrnırge Qazaqstannyń 13 oblysynan kelgen 80-nen astam qusbegi jáne 67 búrkit, 16 qarshyǵa, 14 ıtelgi qatysty. Sonymen qatar, Mońǵolııa, Qytaı jáne Qyrǵyzstannan kelgen sheteldik qusbegiler de óz ónerlerin kórsetti.
Jalpy qatysýshylar sany 100-den asty.Olardyń arasynda álemdik jáne halyqaralyq deńgeıdegi jarystardyń jeńimpazdary men tájirıbeli qusbegiler de boldy.
«Bul jarys — qazaq halqynyń ǵasyrlar boıy jalǵasqan dástúrin, ulttyq mádenıetimizdiń bir bólshegi bolyp tabylatyn qusbegilikti dáripteıtin mańyzdy shara. Qusbegilik — tek sport emes, bul bizdiń ata-babalarymyzdan qalǵan uly mura, tabıǵatpen, ańshylyq ónermen baılanysymyzdy kórsetetin erekshe óner», — dedi Eńbekshiqazaq aýdanynyń ákimi Talǵat Baıedilov ákim.
Týrnırde tek qyrandardy salyp qana qoımady. Ushqyr tazylardy da júgirtti.
Jeńimpazdarǵa arnaıy syılyqtar men aqshalaı syıaqylar tabys etildi. Jalpy júlde qory 3 mıllıon teńge.
Osyǵan deıin Almatyda qazaq tazysynyń jáne ózge de ıt tuqymdarynyń qatysýymen «Kóshpendiler dalasy» atty kórme uıymdastyrylǵan edi.
