Almaty oblysynda shomylý maýsymy bastalǵaly 5 adam sýǵa ketti
QONAEV.KAZINFORM – Almaty oblysynda shomylý maýsymy bastalǵaly 5 myńnan asa reıdtik is-shara júrgizilgen.
Almaty oblysy Tótenshe jaǵdaılar departamenti azamattyq qorǵanys basqarmasynyń bastyǵy Eraly Razakýlov ruqsat etilmegen aýmaqta sýǵa túsý, qaýipsizdikti saqtamaý, mas kúıinde shomylý adam ólimine ákeletinin aıtady. Onyń aıtýynsha, shomylý maýsymy bastalǵaly balalar ólimi tirkelmegen jáne jazataıym jaǵdaıdan qutqarýshylar 14 azamattyń ómirin saqtap qalǵan. Degenmen jaz basynan beri oqys oqıǵa saldarynan 5 adam kóz jumǵan.
«Bıyl aımaqta oblys ákimdiginiń qaýlysymen jaǵajaıda demalýǵa arnalǵan 103 oryn belgilendi, onyń ishinde 7 kommýnaldyq jaǵajaı bar. Turǵyndarǵa, qala qonaqtaryna tek shomylýǵa ruqsat etilgen jerlerde demalýdy jáne de balalar qaýipsizdigin nazarǵa alýdy suraımyz», - dedi Eraly Razakýlov.
Eske salaıyq, buǵan deıin Іle-Alataý parkine barýǵa ýaqytsha shekteý qoıylǵanyn jazǵan edik.
