Almaty oblysynda shekara zastavasyndaǵy órtten 2 adam qaza tapty

QONAEV. KAZINFORM – Almaty oblysyndaǵy «Narynqol» shekara zastavasynyń aýmaǵyndaǵy qyzmettik turǵyn úı órtendi. 

Oqıǵa ornyna jetken oblystyq tótenshe jaǵdaılar departamenti kúshteri órtti tolyq sóndirdi. Tótenshe jaǵdaıdan áskerı qyzmetshi men onyń balasy kóz jumdy.

Qaıǵyly oqıǵa boıynsha sotqa deıingi tergep-tekserý bastaldy.

– Shekara qyzmeti qaza bolǵandardyń týystary men jaqyndaryna qaıǵyǵa ortaqtasyp kóńil bildiredi. Olarǵa barlyq qajetti kómek kórsetilip jatyr, - delingen habarlamada.

Eske salaıyq, 2025 jylǵy 18 qarashada Túrkistan oblysynda turǵyn úıde bolǵan órtten 12 adam mert bolǵanyn habarlaǵanbyz.

Al 1 jeltoqsanda osy órt kezinde zardap shekken 7 jasar qyz kóz jumdy.