Almaty oblysynda shegirtkemen kúreske jergilikti bıýdjetten 201,7 mln teńge bólindi

QONAEV. KAZINFORM – Almaty oblysynda bıyl 41 589 gektar alqapta shegirtkege qarsy hımııalyq óńdeý jumystaryn júrgizý josparlanyp otyr. 

Oblys ákimdiginiń málimetinshe, 18 680 gektar alqap jeńil ushaqpen óńdelse, 22 909 gektarǵa jer ústi tásili qoldanylady.

«Úıirli emes shegirtke zııankesterine qarsy 24 birlik arnaıy tehnıka, onyń ishinde 4 búrikkish dezınfektsııalyq qondyrǵy, 10 búrikkish, 4 arnaıy tehnıka, 3 tirkemeli traktorlyq búrikkish jáne 3 asa jeńil áýe kemesi, sondaı-aq qosalqy tehnıka jumyldyrylady», - dep atap ótti Almaty oblysy ákimdiginen.  

Bıyl shegirtkelerge qarsy óńdeýge jergilikti bıýdjetten 201,7 mln teńge bólindi. 

Qazir shegirtkelerge qarsy hımııalyq óńdeý Uıǵyr, Eńbekshiqazaq aýdandarynda jer ústi tásilimen júrgiziledi.

Oblys boıynsha shegirtkege qarsy 2 253 gektar nemese 9,8% hımııalyq óńdeý jumystary júrgizildi.