Almaty oblysynda Sharyn ózeni mańynda adasyp ketken adamdar qutqaryldy

ASTANA. KAZINFORM - 22 naýryzda Uıǵyr aýdanynda 7 adam demalmaq bolyp, Sharyn ózeniniń jaǵasyna shyqqan. Alaıda olar adasyp basqa jerge baryp, qaıtyp óz betterinshe orala almaǵan.

Tótenshe jaǵdaılar departamenti respýblıkalyq jedel qutqarý jasaǵynyń 20 qyzmetkeri 5 tehnıkamen shyǵyp, adamdardy evakýatsııalady jáne olardyń kólikterin de shyǵardy.

«Qutqarylǵan adamdar medıtsınalyq kómek qajet etpedi», - delingen habarlamada.