Almaty oblysynda sibir jarasy anyqtalǵan aýylda karantın engizildi
QONAEV. KAZINFORM - Respýblıkalyq veterınarııalyq zerthana 2 bas iri qara malynan alynǵan synamalarynda qarasan (sibir jarasynyń) bolýyn rastaıtyn bakterıologııalyq zertteýlerdiń nátıjelerin aldy.
Úlken Aqsý aýylynda tiri janýarlar men mal sharýashylyǵy ónimderin ákelýge jáne áketýge tyıym salyndy.
“Aýmaqtyq veterınarııalyq ınspektsııa JAO veterınarııalyq dárigerlerimen birlesip janýarlardy aýlalyq tekserý, vaktsınatsııalaý jáne janýarlar ıelerimen túsindirý jumystaryn júrgizedi”- dep habarlady ákimdikten.
Eldi mekenge taratý is-sharalaryn júrgizý, onyń ishinde dezınfektsııa júrgizý úshin AShM-niń Respýblıkalyq epızootııaǵa qarsy otrıady kóshiriledi, qajetti mamandar men arnaıy tehnıka shtaty bar.
“Ol jerde Veterınarııalyq baqylaý jáne qadaǵalaý komıteti tóraǵasynyń mindetin atqarýshy Samat Tólegenov júr.Qoldanystaǵy algorıtmge sáıkes barlyq qajetti veterınarııalyq-sanıtarııalyq sharalar ótkiziledi jáne aýyl sharýashylyǵy mınıstrliginiń erekshe baqylaýynda bolady»,- dep atap ótti ákimdikten.
