Almaty oblysynda sarbaz áskerı bóliminiń tórtinshi qabatynan qulap ketti
QONAEV.KAZINFORM — Qonaev qalasyndaǵy № 32363 áskerı bóliminde merzimdi áskerı qyzmettegi áskerı qyzmetshi tórtinshi qabattyń terezesinen qulap, jaraqat aldy.
QR Qarýly Kúshteriniń Desanttyq-shabýyldaý áskerleri zardap shekken sarbazdyń dereý medıtsınalyq mekemege jetkizilgenin jáne oǵan barlyq qajetti mamandandyrylǵan medıtsınalyq kómek kórsetilip jatqanyn habarlady. Onyń jaǵdaıy dárigerlerdiń turaqty baqylaýynda.
— Qolda bar málimetterge sáıkes, oqıǵaǵa deıin ol áskerı qyzmetti ótkerý jaǵdaılaryna shaǵymdanbaǵan. Onyń aldynda ǵana ol áskerı bólimge kelgen ata-anasymen kezdesken, bul rette olar tarapynan da qandaı da bir ótinishter men aryzdar túspegen, — delingen habarlamada.
Atalǵan derek boıynsha QR ІІM Áskerı-tergeý basqarmasy qylmystyq is qozǵady. Qajetti tergeý áreketteri júrgizilip jatyr.
Qorǵanys mınıstrligi de qyzmettik tekseris taǵaıyndap, arnaıy komıssııa qurdy. Jaǵdaı erekshe baqylaýǵa alyndy.
«Ana júregi» Sarbaz analary komıteti» respýblıkalyq qoǵamdyq birlestigi aqparat túsken boıda uıym ókiliniń áskerı bólimge barǵanyn, keıin medıtsınalyq mekemedegi zardap shekken áskerı qyzmetshiniń jaǵdaıyn bilgenin habarlady.
Sarbaz analary komıteti tergeý aıaqtalǵanǵa deıin asyǵys qorytyndy jasamaý kerektigin eske saldy.
Buǵan deıin Óskemende áskerı bólimnen qashyp ketken sarbaz ustaldy.
