Almaty oblysynda sańyraýqulaq terýge shyǵyp, joǵalyp ketken 10 jasar bala tabyldy
QONAEV. KAZINFORM – Almaty oblysy Kegen aýdanynyń polıtseıleri men qutqarýshylary túni boıy Aqtasty aýyly mańyndaǵy taýly aımaqta 10 jastaǵy balany izdedi.
Oblystyq polıtsııa departamentiniń málimetinshe, tún ortasynda bala joǵalǵany týraly habar túsken. Ol týystarymen birge taýǵa sańyraýqulaq terýge shyǵyp, biraq eresekterden qalyp qoıyp, joldan adasyp ketken. Jaqyndary óz kúshimen izdep kórgen, alaıda nátıje bolmaǵan soń, quqyq qorǵaý organdarynan kómek suraǵan.
- Kegen aýdanynyń polıtseıleri men qutqarýshylary habar túse salyp, shuǵyl túrde izdestirýdi bastady. Qıyn jer bederine, túngi ýaqyt pen aýmaqtyń nashar kóringenine qaramastan, izdeý jumystaryn toqtatpady. Esil eńbek esh ketpeı, tań ata bala tabyldy. Qýanyshqa oraı, ol esh jaraqat almaǵan, aman-esen ata-anasymen qaýyshty, - dep habarlady polıtsııa departamentinen.
Eske salaıyq, buǵan deıin Almaty taýlarynda 5 táýlik boıy izdestirilgen jasópirimniń máıiti tabylǵanyn jazǵanbyz.