Almaty oblysynda respýblıkalyq joldyń bir bóliginde qozǵalys shekteledi

QONAEV. KAZINFORM - Almaty oblysynyń Tótenshe jaǵdaılar deparamenti aýa-raıyna baılanysty respýblıkalyq joldyń bir bóligi jabylatynyn habarlady.

— «QazAvtoJol» UK AQ Almaty oblystyq fılıalynyń habarlamasy boıynsha 15 jeltoqsan 17:00-den bastap jol-meteorologııalyq jaǵdaılardyń nasharlaýyna baılanysty «Alma-taý týrbazasyna kireberis» respýblıkalyq mańyzy bar avtojolynyń 0 km-den (Besaǵash aýyly) 15 km-ge deıingi (Tabaǵan aýyly) aralyǵynda júk kólikteri jáne jeńil kólikter úshin qozǵalys shekteldi, - dep habarlady oblystyq TJD baspasóz qyzmeti.

Eske salaıyq, buǵan deıin kóktaıǵaqqa baılanysty Temirtaý mańynda 700-den astam avtokólik jolda qalyp qoıǵanyn jazǵanbyz. 

Sondaı-aq Almaty oblysynda birneshe avtojol kóktemge deıin jabylǵanyn jazǵanbyz.