Almaty oblysynda respýblıkalyq joldardy jóndeýge 22 mlrd teńge jumsalady
QONAEV. KAZINFORM — Almaty oblysynda bıyl 376 shaqyrym respýblıkalyq jol jóndeýden ótedi.
«QazAvtoJol» Almaty oblystyq fılıalynyń málimetinshe, óńirdegi respýblıkalyq joldardyń jalpy uzyndyǵy — 1734 shaqyrym. Onyń ishinde І-sanattaǵy avtomobıl joldarynyń uzyndyǵy 800 shaqyrymnan asady, jalpy úlesi — 46 paıyz.
2026 jyly respýblıkalyq mańyzy bar avtomobıl joldarynyń 376 shaqyrymy jóndeý jumystarymen qamtylady. Ony iske asyrýǵa 22 mlrd teńge bólingen.
— Qazirgi ýaqytta jumystar respýblıkalyq mańyzy bar 8 avtomobıl jolynda júrgizilip jatyr. Jol jóndeý maýsymynyń basty erekshelikteriniń biri — zamanaýı tehnologııalardy keńinen qoldaný. Ásirese, recycling (qaıta óńdeý) tehnologııasy erekshe mańyzǵa ıe. Bul tehnologııa qoldanystaǵy asfaltbeton jabynyn qaıta óńdep, oǵan ınertti materıaldar men tsement qosý arqyly jol negizin kúsheıtýge múmkindik beredi. Nátıjesinde berik negiz qalyptasyp, onyń ústine jańa asfaltbeton jabynynyń eki qabaty tóseledi, — dep habarlady oblystyq fılıaldan.
Qazirgi ýaqytta atalǵan tehnologııa «Kegen — Narynqol», «Kókpek — Kegen — Túp», «Almaty — Tónkeris — Baıserke — Mejdýrechensk» avtomobıl joldarynyń ýchaskelerinde qoldanylyp jatyr.
Eske salaıyq, «Qyzylorda — Sekseýil» joly halyqaralyq standartqa saı qaıta jańartylady.
