Almaty oblysynda prokýratýra memleket pen bıznes múddesin qorǵady
ASTANA. KAZINFORM — Prokýratýra ınvestor quqyǵyn qorǵap, zańsyz sheshimderdiń kúshin joıdy, dep habarlaıdy Almaty oblysy prokýratýrasynyń baspasóz qyzmeti.
Prokýrorlyq den qoıý aktileri boıynsha sot talqylaýlary qatysýshylarynyń buzylǵan quqyqtary qalpyna keltirilip, eleýli qarjylyq shyǵyndardarǵa jol berilmedi. Atap aıtqanda, buryn sot tarapynan óz múddelerin qorǵaý múmkindikteri negizsiz shektelgen «A» kompanııasy — ınvestordyń quqyqtary qorǵaldy. Sonymen qatar, salyq jáne memlekettik satyp alý daýlary boıynsha bıýdjetke 185 mln teńge kóleminde zalal keltirilýiniń jolyn kesti.
Talǵar aýdanyndaǵy «Kendala» ýchaskesinde qum-qıyrshyqtas qospasyn óndirýge arnalǵan jer qoınaýyn paıdalaný kelisimshartynyń sot arqyly qaıta kúshine enýine jol berilmedi.
Budan bólek, gaz taratý jelilerin salý barysynda zań talaptaryn aınalyp ótip, memlekettik organ men kompanııa arasyndaǵy memlekettik satyp alý shartynyń zańsyz uzartylýyna tosqaýyl qoıyldy.
— Osy qabyldanǵan sharalar prokýratýranyń zańdylyqty qamtamasyz etýdegi bıýdjet qarajatyn, bıznes quqyqtaryn jáne óńirdiń ınvestıtsııalyq ahýalyn qorǵaýdaǵy mańyzdy rólin aıqyndaıdy, — delingen habarlamada.
Osydan buryn prokýratýra aralasqannan keıin pedagogterge 7,2 mln teńge tólengenin jazǵanbyz.
