Almaty oblysynda polıtsııa qyzmetkerin óltirip, órtegen: is boıynsha balasy men áıeli ustaldy
QONAEV. KAZINFORM – Almaty oblysy Kegen aýdanynda er adamnyń máıiti tabyldy.
Áleýmettik jelide polıtsııa qyzmetkerin óltirip, máıitin órtemek bolǵany týraly aqparat tarady. Oblystyq Polıtsııa departamenti bul derekti rastady.
- 23 maýsym kúni polıtsııaǵa taýly aımaqtan máıittiń tabylǵany týraly habarlama kelip tústi. Oqıǵa ornyna jedel túrde jedel-tergeý toby shyqty. Qaza bolǵan adamnyń jeke basy anyqtaldy. Onyń polıtsııa qyzmetkeri bolǵany rastaldy, - dep habarlady polıtsııadan.
Júrgizilgen jedel-izdestirý is-sharalarynyń nátıjesinde marqumnyń jubaıy men uly kúdikti retinde ustalǵan. Olar ýaqytsha ustaý ızolıatoryna qamaldy. Qazir bul derek boıynsha qylmystyq is qozǵaldy.
- Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan keshendi tergeý áreketteri júrgizilip jatyr. Tergeý múddesine baılanysty ózge aqparat jarııa etýge jatpaıdy, - dep habarlady departamentten.
Eske salaıyq, buǵan deıin Óskemende saýda úıiniń mańynan áıeldiń máıiti tabyldy.
