Almaty oblysynda polıtsııa qyzmetkeri áıelin kólikpen qaǵyp óltirdi
QONAEV. KAZINFORM — Áleýmettik jelide Almaty oblysynyń Balqash aýdanynda bolǵan jol apaty týraly aqparat tarady.
Jelide taraǵan málimetke qaraǵanda, 38 jastaǵy áıeldi kólik qaǵyp ketken. Keıbir aqparat kózderinde rólde marqumnyń kúıeýi — polıtsııa qyzmetkeri bolǵany jazylǵan.
Oqıǵaǵa baılanysty Almaty oblystyq polıtsııa departamenti resmı málimdeme jasady.
Vedomstvonyń málimetinshe, áıeldi kólikpen qaǵyp ketken degen kúdikpen 37 jastaǵy er adam ustalyp, ýaqytsha ustaý ızolıatoryna qamalǵan.
— Oqıǵa saldarynan áıel alǵan jaraqattarynan oqıǵa ornynda kóz jumdy. Bul derek boıynsha qylmystyq is qozǵaldy. Qazirgi ýaqytta bolǵan jaǵdaıdyń barlyq mán-jaıyn jan-jaqty, tolyq ári obektıvti anyqtaýǵa baǵyttalǵan qajetti tergeý áreketteri júrgizilip jatyr, — dep habarlady polıtsııanyń baspasóz qyzmeti.
Sondaı-aq tergeý barysy oblystyq polıtsııa departamenti basshylyǵynyń erekshe baqylaýynda ekeni aıtyldy.
Polıtsııa ókilderi QR QPK-niń 201-babyna sáıkes ózge aqparat jarııa etilmeıtinin málimdedi.
Eske salaıyq, buǵan deıin Aqtaýda polıtsııa qyzmetkeri kóligimen bir jarym jasar balany qaǵyp ketkenin habarlaǵan edik.
