Almaty oblysynda polıtseıler nárestesi bar áıel otyrǵan kólikke soǵyldy
QONAEV. KAZINFORM — Almaty oblysynda polıtseıler jaıaý júrginshiler jolaǵyna toqtaǵan kólikke soǵyldy.
Onyń vıdeosy áleýmettik jelide tarady. Kadrlardan patrýldik kóliktiń jaıaý júrginshiler jolaǵyna toqtaǵan mashınany art jaǵynan soqqany kórýge bolady.
Keıin onyń ishinen balasyn kótergen áıel shyqty.
Polıtsııa departamentinen málim etkendeı, jol apaty 27 maýsym kúni Almaty-Jandosov tas jolynyń 25 shaqyrymynda bolǵan.
«Hyundai Elantra jáne Toyota Ipsum kólikteriniń qatysýymen bolǵan jol apatynan eshkim zardap shekkken joq. Kólikterge mehanıkalyq zaqym kelgen. Apatqa kináli adam qoldanystaǵy zańnamaǵa sáıkes jaýapqa tartyldy»,- dep atap ótti vedomstvodan.
Osyǵan deıin Úlken Almaty kanaly boıymen shyǵys baǵytta kele jatqan Lada kóliginiń júrgizýshisi rýlge ıe bola almaı, jol jıegine shyǵyp ketip, aǵashqa soǵylǵany týraly jazǵan edik.
Saldarynan kólik júrgizýshisi men onyń úsh jolaýshysy oqıǵa ornynda kóz jumdy, taǵy bir jolaýshy dene jaraqatymen qalalyq aýrýhanalardyń birine jetkizildi.
