Almaty oblysynda polıtseıler kólikti toqtatý úshin qarý qoldandy
QONAEV. KAZINFORM — Almaty oblysynda tártip saqshylary qarý qoldanýǵa májbúr boldy. Bul týraly oblystyq polıtsııa departamenti habarlady.
Áleýmettik jelide taraǵan beınejazbadan oqıǵa ornynan qashpaq bolǵan kóliktiń dóńgelegine polıtseıdiń birneshe ret oq atqanyn kórýge bolady.
Almaty oblysy polıtsııa departamentiniń málimetinshe, oqıǵa Іle aýdany Jaınaq aýylynda bolǵan. Júrgizýshi kýáligi joq kámeletke tolmaǵan bala kólik basqaryp, polıtsııa qyzmetkerleriniń zańdy talaptaryna baǵynbaı, oqıǵa ornyna ketpek bolǵan. Avtokólikti májbúrli túrde toqtatý úshin polıtseıler qyzmettik atys qarýyn qoldanyp, kólikti toqtatyp, júrgizýshini ustaǵan.
— Polıtsııa qyzmetkerleri kámeletke tolmaǵan balanyń ákesin bala tárbıesi boıynsha mindetterin oryndamaǵany úshin jaýapqa tartty. Qazirgi ýaqytta oqıǵanyń barlyq mán-jaıy anyqtalyp jatyr, — dep habarlady departamentten.
Eske salaıyq, buǵan deıin Almatyda polıtsııa qyzmetkerine kúsh kórsetken er adam qamaldy.
