Almaty oblysynda paıdalanylmaı jatqan 272 jer telimi memleketke qaıtaryldy
QONAEV. KAZINFORM - Almaty oblysy ákimdiginiń málimetine sáıkes, oblys aýmaǵynda jalpy alańy 74,7 myń gektar bolatyn 272 jer ýchaskesi memleket menshigine qaıtaryldy.
Onyń ishinde 31,3 myń gektarǵa teń 63 jer ýchaskesi boıynsha sottardyń jer berý týraly sheshimderi zańsyz dep tanylǵan.
Erikti negizde jáne basqa joldarmen 43,4 myń gektar bolatyn 214 jer ýchaskesi memleket menshigine berildi. Odan bólek qazirgi ýaqytta alańy 21,9 myń gektar bolatyn 57 jer ýchaskesi boıynsha talap-aryzdar sottyń qaraýynda.
- Aldaǵy ýaqytta osy máseleler boıynsha atqarylatyn jumystardyń tıimdiligi men nátıjeliligin arttyrý úshin ákimdikter túrli sharalar qabyldap, jerlerdiń tıimdi paıdalanylýyn qamtamasyz etý maqsatynda belsendi jumystar júrgizilip jatyr, - dep habarlady oblys ákimdiginen.
Eske salaıyq, buǵan deıin jyl basynan beri memleketke 1,5 mln ga aýyl sharýashylyǵy jeri qaıtarylǵanyn jazǵanbyz.
