Almaty oblysynda páter urlyǵymen aınalysqan eki qylmystyq top ustaldy

Іshki ister mınıstrligi qyzmetiniń basym baǵyttarynyń biri - páter urlyǵyna qarsy is-qımyl. 

Almaty oblysynda 2025 jyldyń jeltoqsan aıynan bastap plastıkalyq terezelerdi kúshpen ashý arqyly urlyq jasaǵan páter urylary ustaldy.

Qaskóıler altyn buıymdardy, aqsha jáne basqa da qundy zattardy urlap, jalpy 21 mıllıon teńgeden astam shyǵyn keltirgen.

Júrgizilgen jedel-izdestirý is-sharalarynyń nátıjesinde 20 naýryzda krımınaldyq polıtsııa qyzmetkerleri kúdiktilerdi ustap, ýaqytsha ustaý ızolıatoryna qamady. Olardyń toǵyz páter urlyǵyna qatysy bary anyqtaldy.

Páter urlyǵymen aınalysqan taǵy bir qylmystyq top 24 naýryzda Almaty oblysy aýmaǵynda ustaldy.

Olardyń esebinde úsh qylmys bar. Bul topta 14 jáne 17 jastaǵy jasóspirimder bolǵan. Turǵyn úılerdi qylmystyq áreketterden qorǵaý úshin ІІM azamattarǵa qaýipsizdik sharalaryn saqtaýdy usynady:

• sapaly qulyptary bar senimdi esikterdi ornatý;

• tómengi jáne joǵarǵy qabattardaǵy terezelerge torlar qoıý;

• zamanaýı qaýipsizdik quraldaryn paıdalaný: dabyl, beınebaqylaý júıeleri, sondaı-aq kúzet uıymdarynyń ortalyqtandyrylǵan baqylaý pýltine qosylý;

• áleýmettik jelilerde qundy zattar jáne olar qoıylǵan jer týraly aqparat jarııalamaý;

• iri kólemdegi aqsha men zergerlik buıymdardy qoljetimdi jerlerde saqtamaý.

Aıta ketelik Oralda bopsalaý jáne tonaýmen aınalysqan qylmystyq top quryqtalǵan edi.