Almaty oblysynda parashıýtshi ushaqtan sekirip, daýys berý ýchaskesine tústi
QONAEV. KAZINFORM – Almaty oblysynda zapastaǵy ofıtser, parashıýttik daıyndyq bóliminiń komandıri Tımofeı Merkelov saılaý ýchaskesine erekshe tásilmen bardy.
Ol parashıýtpen sekirip, daýys berý ornyna dál qondy. Іle aýdanynyń turǵyndary sportshynyń ushaqtan jerge túsken sátin qyzyǵa tamashalady.
- Halyqtyń avıatsııa men parashıýt sportyna qyzyǵýshylyǵy joǵary. Sondyqtan saılaý kúni parashıýtpen sekirýdi uıǵardyq. Osy arqyly avıatsııa men parashıýt sportyna, sondaı-aq el úshin mańyzdy oqıǵa – Quryltaı saılaýyna kópshilik nazaryn aýdarǵymyz keldi. Men úshin daýys berý – aspanda qabyldanatyn árbir sheshimmen teń jaýapty mindet ári azamattyq borysh, – dedi Tımofeı Merkýlov.
Eske salaıyq, Almatyda Quryltaı esimdi eki turǵyn daýys berýge keldi.
Elimiz boıynsha 10 363 saılaý ýchaskesinde daýys berý júrip jatyr. Saılaýshylar tizimine 12 605 788 adam engizilgen.
Quryltaı saılaýynyń hronıkasyn osy siltemeden oqı alasyzdar.
