Almaty oblysynda paraplanmen ushqan áıel shatqalǵa qulap ketti

ALMATY. KAZINFORM — TJM qutqarýshylary paraplanmen qulap ketken qyzdy evakýatsııalady. Bul týraly vedomstvonyń baspasóz qyzmeti málim etti.

— Almaty oblysynyń Qarasaı aýdanynda Qaskeleń shatqalynda 1985 jyly týǵan áıel paraplanmen ushyp bara jatyp qulap ketken.  TJM RJQJ qutqarýshylary oqıǵa ornyna jetip, zardap shegýshini 500 metr qashyqtyqta kútip turǵan jedel medıtsınalyq járdem kóligine jetkizdi, — delingen habarlamada.

Eske sala keteıik, qutqarýshylar Almatyda taý bókterindegi órtti sóndirgen bolatyn.

Al 25 shildede josparly ushyp ótý kezinde joǵalǵan Áýe qorǵanysy kúshteriniń EC-145 tikushaǵynda bolǵan adamdardyń ornyn anyqtaý maqsatynda Sorbulaq sý qoımasy aýdanynda aýqymdy izdestirý-qutqarý operatsııasy táýlik boıy jáne kúsheıtilgen rejımde júrgizilip jatqanyn jazǵan edik.