Almaty oblysynda para oq atýdan el birinshiligi ótedi
ASTANA. KAZINFORM - 13-shi sáýir kúni Almaty oblysyndaǵy olımpıadalyq daıarlaý ortalyǵynda tirek-qımyl apparaty zaqymdalǵan sportshylar arasynda para oq atýdan Qazaqstan Respýblıkasy chempıonatynyń saltanatty ashylý rásimi ótedi.
El birinshiliginde sportshylar 10 m qashyqtyqta pnevmatıkalyq vıntovka jáne tapanshamen atý dıstsıplınalary boıynsha jekeleı, aralas (mıks) jáne komandalyq jarys túrleri boıynsha synǵa túsedi.
Chempıonattyń qorytyndysy boıynsha, úzdik óner kórsetken sportshylar Qazaqstan komandasynyń qataryna jasaqtalady. Oǵan qosa, atalmysh báseke qarasha aıynda Japonııa elinde ótetin Azııa para oıyndary aldyndaǵy daıyndyq kezeńderiniń biri bolyp tabylady.
Aıta keteıik, para oq atýdan Qazaqstan Respýblıkasynyń chempıonaty 18-shi sáýirge deıin jalǵasady. Saltanatty ashylý rásimi: 13-shi sáýir saǵat 14:00-debastalady.
Osyǵan deıin qyzylordalyq sportshynyń para paýerlıftıngten Azııa rekordyn jańartqany týraly jazdyq.