Almaty oblysynda ózen boıynan áıeldiń máıiti tabyldy

QONAEV. KAZINFORM – Almaty oblysynda qutqarýshylar ózen boıynan áıel adamnyń máıitin alyp shyqty.

QR TJM Respýblıkalyq jedel-qutqarý jasaǵynyń málimetinshe, Almaty oblysy Talǵar aýdany Talǵar qalasynda 20-35 jas aralyǵyndaǵy áıel adam aǵysy kúshti sýarý kanalyna sekirip, boljam boıynsha sýıtsıd jasaǵan. Qutqarýshylar sol jerden ótip bara jatqan kýáger habarlasqan.

«QR TJM RJQJ jedel toby áıel adamdy 10 saǵat izdep, shamamen qulaǵan ornynan 8 shaqyrym jerden denesin tapty. Máıit polıtsııa qyzmetkerlerine tapsyryldy», - dep habarlady Respýblıkalyq jedel-qutqarý jasaǵynan.

Eske salaıyq, Almaty qalasynyń Tótenshe jaǵdaılar departamenti Almatyda osy jyldyń 8 aıynda 11 bala terezeden qulap ketkenin habarlaǵan bolatyn.