Almaty oblysynda órttiń saldarynan jol ýchaskesi jabyldy

ASTANA. KAZINFORM – Almaty oblysynda qoqys polıgonyndaǵy órttiń saldarynan kólik qozǵalysy ýaqytsha shekteldi.

— 2025 jylǵy 15 qyrkúıek saǵat 22:30–da Almaty oblysynda «Almaty — Taldyqorǵan — Óskemen — Shemonaıha — RF shekarasy» respýblıkalyq mańyzy bar avtomobıl jolynyń 29–38 shaqyrymynda (Baıserke kópirinen Álı kópirine deıin) barlyq kólik quraldarynyń qozǵalysyna ýaqytsha shekteý engizildi, — delingen QazAvtojol habarlamasynda. 

Shekteýdiń sebebi — jol boıyndaǵy polıgon aýmaǵynda shyqqan órt saldarynan tútinniń taralýy jáne kóriný qashyqtyǵynyń nasharlaýy.

Jol 16 qyrkúıek kúni saǵat 07:00 ashylady.

Aıta ketelik Almaty oblysynda qoqys polıgonynda shyqqan órtti sóndirip jatyr.