Almaty oblysynda ortasha jyldamdyq kameralary ornatyldy

QONAEV. KAZINFORM – Almaty oblysynyń polıtsııa departamenti jol qaýipsizdigin arttyrý maqsatynda kólik quraldarynyń ortasha jyldamdyǵyn tirkeý júıesin engizilip jatqanyn málimdedi. 

Polıtsııa málimetinshe, ortasha jyldamdyqty baqylaý júıesi ázirge Úlken Almaty aınalma avtomobıl jolynda engizilgen. Aldaǵy ýaqytta óńirdiń barlyq baǵyttarynda engizilip, kezeń-kezeńimen keńeıtilmek. Jaqyn ýaqytta jol qozǵalysy qaǵıdalaryn buzǵan júrgizýshiler jaýapkershilikke tartylatyn bolady.

– Jańa júıe kamera ornatylǵan naqty orynǵa qaramastan, joldyń kez kelgen ýchaskesinde jyldamdyq rejımin buzý derekterin anyqtaýǵa múmkindik beredi. Endi belgilengen jyldamdyqty asyrǵan árbir júrgizýshi avtomatty túrde tirkelip, zańnamaǵa sáıkes jaýapkershilikke tartylady, - dep habarlady departamentten.

Eske sala keteıik, buǵan deıin byltyr ortasha jyldamdyqty esepteý tásili kólik apattarynyń sanyn 10 paıyzǵa azaıtqanyn habarlaǵan edik.