Almaty oblysynda oqýshylar jappaı tóbeles shyǵardy
Almaty oblysynda jınalyp, jappaı tóbeles shyǵarǵan jasóspirimder jaýapqa tartyldy, dep habarlaıdy Kazinform.
Oqýshylardyń toptasyp jaǵa jyrtysyp jatqan vıdeosy áleýmettik jelilerde taraýda.
Almaty oblysy Polıtsııa departamentiniń málimetinshe, oqıǵa Іle aýdany Japek batyr aýylynda bolǵan. Tóbelesken – jergilikti mekteptiń oqýshylary. Tekserý barysynda anyqtalǵandaı, 29 qarasha kúni 2008 jyly týǵan 9-synyp oqýshysy men 2007 jyly týǵan 10-synyp oqýshysy arasynda kelispeýshilik týyndap, sońy uıymdasqan jıynǵa aınalǵan.
«Atalǵan derek boıynsha buzaqylyq áreketter jasaǵan oqýshylar ákimshilik jaýapqa tartyldy. Kámeletke tolmaǵandardyń barlyq ata-analaryna qatysty QR Ákimshilik quqyq buzýshylyq týraly kodekstiń 127-baby (kámeletke tolmaǵandy tárbıeleý, onyń quqyqtary men múddelerin qorǵaý jónindegi mindetterdi oryndamaý) boıynsha ákimshilik materıaldar jınaldy, sondaı-aq kámeletke tolmaǵandardyń ózderine qatysty QR ÁQBtK-niń 435-babymen (kámeletke tolmaǵandar jasaǵan buzaqylyq) hattama toltyryldy», – dep habarlady polıtsııada.
Qazirgi ýaqytta tergeý áreketteri júrgizilip jatyr. Psıhologtar oqıǵaǵa qatysýshylarmen profılaktıkalyq tárbıe jumystaryn júrgizdi.
Posmotret etý pýblıkatsııý v Instagram
