Almaty oblysynda oqýshylar otyrǵan avtobýs jol apatyna ushyrap, eki adam kóz jumdy

ALMATY. KAZINFORM – Almaty oblysynda jeńil avtokólik pen men jolaýshylar avtobýsynyń qatysýymen jol-kólik oqıǵasy boldy. 

Álýmettik jelide taraǵan vıdeoda jol apaty kezinde avtobýsta oqýshylar bolǵany aıtylady. 

Almaty oblystyq polıtsııa departamentiniń habarlaýynsha, Hyundai Accent avtokóligi men jolaýshylar avtobýsy «Sokol» saıajaıynyń aýmaǵynda soqtyǵysyp qalǵan. Qazir atalǵan oqıǵa boıynsha polıtsııa qylmystyq is qozǵady. 

– Jol apaty saldarynan jeńil avtokólik júrgizýshisi oqıǵa ornynda kóz jumdy, al onyń jolaýshysy medıtsınalyq mekemede qaıtys boldy. Basqa zardap shekkender joq, - dep málimdedi óńir polıtsııasy.

Aldyn ala málimetterge sáıkes, Hyundai Accent júrgizýshisi burylys jasaý kezinde avtobýsqa jol bermeı soqtyǵysqan. 

Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan keshendi tergeý sharalary júrgizilip jatyr. Іsti tergeý barysy Almaty oblysy Polıtsııa departamenti basshylyǵynyń baqylaýyna alyndy. 

Aıta keteıik, 11 qyrkúıek kúni Mańǵystaý oblysy Qaraqııa aýdany Senek eldi mekeninen 90 shaqyrym jerdegi avtojolda jol apaty bolyp, 10 adam qaza tapty.