Almaty oblysynda oqýshy óz synyptasyn óltirdi degen kúdikke ilindi
QONAEV. KAZINFORM – Jelidegi málimetke sáıkes, qaıtys bolǵan jasóspirim 11-synypta oqyǵan.
Almaty oblysynyń Polıtsııa departamenti adam óltirý faktisi boıynsha sotqa deıingi tergeýdi bastady. Polıtsııa málimetinshe, kúdikti ustalyp, ýaqytsha ustaý ızolıatoryna qamalǵan, ol – jábirlenýshiniń synyptasy.
- Jasóspirimniń zańdy ókilderi bala tárbıesi jónindegi mindetterdi tıisinshe oryndamaǵany úshin ákimshilik jaýapkershilikke tartyldy. Budan basqa, polıtsııa quzyreti sheńberinde sharalar qabyldaý úshin bilim basqarmasyna tıisti usynys engizdi. Qazirgi ýaqytta qylmystyń barlyq mán-jaıyn obektıvti zertteýge baǵyttalǵan barlyq qajetti tergeý áreketteri júrgizilip jatyr, - dep habarlady departamentten.
Eske salaıyq, keshe Almaty oblysynda mektep túlekteriniń avtokorteji jol erejesin óreskel buzǵanyn jazǵanbyz.