Almaty oblysynda oqýshy qyz qaıtys boldy

ALMATY. KAZINFORM – Almaty oblysy Talǵar aýdanynda oqýshy qyz qaıtys boldy.

«Ne molchı» qorynyń habarlaýynsha, qaıǵyly jaǵdaı Ótegen aýylynda bolǵan. 

Almaty oblysynyń polıtsııa departamenti áleýmettik jelide taraǵan aqparatqa túsinik berdi.

«Atalǵan fakti boıynsha Talǵar aýdanynyń polıtseıleri qylmystyq is qozǵady. Sot-medıtsınalyq saraptama taǵaıyndaldy. Bolǵan oqıǵanyń mán-jaıy anyqtalady. Tergeý júrip jatyr. Sonymen qatar qyzdyń ólimine jelidegi oıyndar men býllıngtiń qatysy joq ekenin naqtylaımyz», - dep túsindirdi PD baspasóz qyzmeti. 

Osyǵan deıin Almatyda eki jasóspirim qyz kópqabatty úıden qulap, oqıǵa ornynda qaıtys bolǵany týraly jazǵan edik. 

Sondaı-aq UQK Shekara akademııasynyń kýrsanty Almatydaǵy Dostyq dańǵylyndaǵy kópqabatty úıden sekirip ketken.