Almaty oblysynda oq tıgen adamnyń jaǵdaıy belgili boldy

ALMATY. KAZINFORM — Almaty oblysynyń dárigerleri oq jaraqatymen aýrýhanaǵa túsken naýqastyń jaǵdaıy týraly aıtty.

Almaty oblystyq densaýlyq saqtaý basqarmasynan málim etkendeı, 1986 jyly týǵan er adam Eńbekshiqazaq kópsalaly ortalyq aýdandyq aýrýhanasynyń qabyldaý bólimine ózi kelgen.

— Emdeý mekemesine júgingen naýqas oń jaq aıaǵynyń aýyrsynýyna, isip ketýine jáne jaraqatynan kóp qan ketip jatqanyn aıtyp shaǵymdandy. Dárigerler ony jan-jaqty tekserip, shuǵyl emdeý úshin jaraqat bólimine jatqyzdy,— dep jaýap berdi óńirdiń densaýlyq saqtaý basqarmasy Kazinform agenttigi joldaǵan saýalǵa.

Buǵan deıin Almaty oblysy Eńbekshiqazaq aýdanynda qoryqshy er adamnyń aıaǵynan atyp jibergeni týraly jazǵanbyz. 

Eske salaıyq, osyǵan deıin Almaty oblysynda atys bolyp, úsh adam zardap shekken edi.