Almaty oblysynda Nıý-Iork kınoakademııasy fılıaly men «Atletıko Madrıd» fýtbol akademııasy ashyldy

QONAEV. KAZINFORM — Almaty oblysynyń ákimi Marat Sultanǵazıev óz óńirindegi bilim, sport jáne kreatıvti ındýstrııany damytý baǵytyndaǵy bastamalardy tanystyrdy.

Ákimniń aıtýynsha, jastardyń shyǵarmashylyq áleýetin kóterý maqsatynda Qaskeleńde Nıý-Iork kınoakademııasynyń fılıaly ashylǵan. Bul óńir úshin mańyzdy mádenı jáne bilim berý qadamy boldy.

— Akademııa 200 stýdentke arnalǵan, oqý amerıkalyq baǵdarlama boıynsha bes baǵytta júrgiziledi: kınoóndiris, stsenarıı jáne akterlik sheberlik, oıyn dızaıny, 3D-anımatsııa. Qazir akademııada 60 stýdent bilim alyp jatyr, olardyń arasynda Afrıka jáne Eýropa elderiniń azamattary da bar, – dedi Marat Sultanǵazıev Ortalyq kommmýnıkatsııalar qyzmetinde ótken brıfıngide.

Sonymen birge, halyqaralyq deńgeıde sportshylar daıyndaýǵa baǵyttalǵan «Atletıko Madrıd» fýtbol akademııasy jumysyn bastaǵan. Búginde munda Qazaqstannyń túkpir-túkpirinen kelgen 113 oqýshy bilim alyp júr.

Odan bólek, Súleımen Demırel ýnıversıtetinde demeýshiler qoldaýymen salynǵan jańa ınnovatsııalyq korpýs óz jumysyn bastady. Jasandy ıntellekt jáne tsıfrlyq tehnologııalar baǵytynda oqytý men zertteýler júrgizýge arnalǵan zamanaýı ortalyqta 1 100 stýdent bilim alyp jatyr.

Buǵan deıin oblys ákimi óńirdegi úsh aýysymdy mektepter máselesi qalaı sheshilip jatqanyn túsindirgen edi.

Jyl basynan beri Almaty oblysyna 2,2 mln týrıst keldi. Olar Kólsaı, Qaıyńdy, Qapshaǵaı oryndaryna barǵan.