Almaty oblysynda nóser saldarynan trassanyń bir bóligin sý shaıyp ketti
ASTANA. KAZINFORM Búgin saǵat 15:30 shamasynda Almaty oblysy «Kókpek — Kegen» avtojolynyń 34-shaqyrymynda taýly aımaqta jaýǵan qysqa merzimdi nóser saldarynan sel sýy joldyń ústimen aǵa bastaǵan.
«QazAvtoJol» UK baspasóz qyzmetiniń málimetinshe, sý jol ústimen shamamen 15–20 mınýt boıy aqqan kórinedi.
— Sonyń saldarynan uzyndyǵy 40–50 metr ýchaskede jol jıeginiń bir bóligi shaıyldy. Qazirgi ýaqytta jol ústimen sý aǵýy toqtatylyp, sý kıývet arqyly aǵyzylyp jatyr. Sý ótkizý qubyrlary men kópir qurylystary qalypty jumys istep tur. Shaıylǵan jol jıegin qalpyna keltirý jumystary júrgizilip jatyr, — delingen habarlamada.
Osydan buryn Almaty oblysynda sý deńgeıiniń kóterilýine baılanysty «Túrgen — Asy» avtojolynyń eki ýchaskesin sý shaıyp ketkenin jazǵan edik.
