Almaty oblysynda naýqastar aýrýhana dálizinde jatqan

QONAEV. KAZINFORM – Almaty oblysynda júrek aýrýy bar naýqastar emhana dálizinde jatqan.

Jelidegi málimetke sáıkes, oqıǵa Qarasaı aýdandyq ortalyq aýrýhanasynda bolǵan. Beınejazba avtory ota jasalǵan naýqastardyń dálizde jatqanyna shaǵym bildiredi.

Almaty oblysynyń densaýlyq saqtaý basqarmasy naýqastar sanynyń tym kóp bolýynan ýaqytsha sharalar qabyldaǵanyn, keıin barlyǵy palataǵa ornalastyrylǵanyn habarlady.

- Qarasaı aýdandyq ortalyq aýrýhanasynyń basshylyǵy júktemeniń artýy kezeńinde patsıentterdi ornalastyrý boıynsha jedel sharalar qabyldady. Naýqastar keıin sharýashylyq esep bólimshesiniń bos palatalaryna aýystyryldy. Em alý úshin barlyq jaǵdaılar jasalǵan, patsıentter men olardyń týystarynan shaǵym túsken joq, - dep habarlady vedomstvo.

Eske salaıyq, buǵan deıin Shymkenttegi aýrýhanada naýqastar dálizde jatqanyn jazǵanbyz.