Almaty oblysynda nashar júrip jatqan jol jóndeý jumysynyń vıdeosy jelige tarady

QONAEV. KAZINFORM – Jeli qoldanýshysy Almaty oblysy Kemertoǵan aýylynda sapasyz jasalyp jatqan jol jóndeý jumysyn vıdeoǵa túsirdi.

Vıdeo avtory ótirik asfalt tóseý jumystary júrip jatqanyn aıtqan.

«Jol jabylmaǵan, oıylǵan jerge quıylǵan smola ary-beri ótken kólikterdiń dóńgelegine jabysyp ketip jatyr. Smolanyń ústimen kólikter júrip tastady. Al endi oǵan asfalt qalaı jabysady? Ásheıin ótirik jumystar», - deıdi jeli qoldanýshysy.

Almaty oblysynyń ákimdigi qazirgi tańda Qarasaı aýdany, Іrgeli aýyldyq okrýgine qarasty Kemertoǵan aýylynda oblystyq mańyzy bar joldardy jamaý jumystary júrip jatqanyn habarlady.

«Kemertoǵan kóshelerindegi jóndeý jumystaryna qatysty áleýmettik jelige shyqqan vıdeo negizinde merdigerge túsiniktemeler berilip, qurylys normalary men erejelerin saqtaý boıynsha túsindirý jumystary júrgizildi. Mundaı jumystardy tapsyrys berýshi qabyldamaıdy», - dep jazdy Almaty oblysy ákimdiginiń baspasóz qyzmeti.