Almaty oblysynda muǵalimderge jarty jyl jalaqy tólenbegen

QONAEV. KAZINFORM – Almaty oblysyndaǵy jekemenshik mektep muǵalimderine jarty jyldan astam ýaqyt boıy jalaqy tólenbegen.

Oblystyq prokýratýradan málim etkendeı, Eńbekshiqazaq aýdanyndaǵy «Meıirimdi perishte» jekemenshik mektep-gımnazııasy muǵalimderdiń jalaqysyn bermegen.

«Mektep basshylyǵy bankrottyq satysynda bolǵandyqtan, muǵalimderge alty aıdan astam ýaqyt jalaqy tólemegen. 56 muǵalimge tıesili qaryzdyń jalpy somasy 40 mıllıon teńge. Atqarýshylyq óndirister júrgizilgenine qaramastan, qyzmetkerler aldyndaǵy mindettemeler oryndalmaǵan», - dep habarlady vedomstvodan.

Prokýratýra boryshkerdiń jyljymaıtyn múlki baryn anyqtady.

«Alynǵan qarajat qaryzdardy óteýge jumsaldy, bul muǵalimderdiń eńbek quqyqtaryn tolyq qalpyna keltirýge múmkindik berdi»,-delingen habarlamada.

Buǵan deıin, Almaty oblysynda jalǵan adamdarǵa jalaqy tólegen «Іle sý» mekemesine tekseris júrgizilgeni týraly jazǵan edik.