14:06, 15 Shilde 2024 | GMT +6
Almaty oblysynda mototsıkl júrgizýshilerin qamshymen sabaǵandar izdestirilip jatyr
QONAEV.KAZINFORM – Áleýmettik jelide Almaty oblysynyń taýlarynda mototsıklshilerdi myltyqpen qorqytyp, qamshymen sabaǵan adamdardyń beınejazbasy tarady.
Atalǵan jaǵdaıǵa baılanysty oblystyq polıtsııa departamenti túsinikteme berdi.
— 14 shilde kúni «Izvestkovyı» taýlarynda beıtanys adamdar bir top adamdy uryp-soqqany týraly shaǵym Qarasaı aýdandyq polıtsııasyna kelip tústi. Jábirlenýshiler sózinshe, beıtanys adamdar olardy janýarlardy úrkitti dep aıyptap, qamshymen sabaǵan jáne myltyqpen qorqytqan. Qazirgi ýaqytta bul oqıǵa boıynsha qylmystyq is qozǵaldy. Jedel izdestirý jumystary júrgizilip jatyr, — dep habarlady oblystyq PD baspasóz qyzmeti.
Eske salaıyq, buǵan deıin Almaty mańynda jol apatynan 21 jastaǵy mopedshi qaıtys bolǵan edi.
