Almaty oblysynda memlekettik mekemeler úshin jumys ýaqyty ózgerdi

QONAEV. KAZINFORM – Bul týraly Almaty oblysy ákimdiginiń baspasóz qyzmeti habarlady.

Endi Qazaqstannyń ońtústik-shyǵys óńirinde memlekettik mekemelerde jumys ýaqyty 8:00–de bastalyp, 17:30–da aıaqtalady. Túski úzilis 12:30 ben 14:00 aralyǵynda bolady.

Eske salaıyq, 2024 jyly 1 naýryzdan bastap Qazaqstanda ýaqyt bir saǵat artqa jyljydy.

Bıyl alǵashqy bolyp Katonqaraǵaı aýdanynda jumys ýaqyty bir saǵatqa keri shegerildi. 12 naýryz kúni Altaı jáne Ulan aýdandarynda da jumys ýaqyty ózgerdi. Odan keıin Shyǵys Qazaqstan oblysyndaǵy Glýbokoe jáne Shemonaıha aýdandarynda jumys ýaqyty bir saǵatqa shegerildi.

Sonymen qatar naýryz aıynda Óskemende jumys ýaqyty 1 saǵatqa shegerildi. Onda jumys kúni saǵat 08:00–de bastalyp, 17:30–da aıaqtalady, túski úzilis 12:00–den 13:30–ǵa deıin.

Buǵan deıin «Almaty jańa jumys kestesine kóshýi múmkin be» degen suraqqa jaýap jazǵanbyz.