Almaty oblysynda mektep túlekteriniń avtokorteji jol erejesin óreskel buzǵan
QONAEV. KAZINFORM — Almaty oblysynda mektep túlekteri otyrǵan kólik korteji jol erejesin óreskel buzǵan.
Úlken Almaty aınalma avtomobıl jolynyń boıynda joldy jaýyp, ońdy-soldy júrgen kólikterdiń beınejazbasy áleýmettik jelide tarady.
Almaty oblysy polıtsııa departamentiniń málimetinshe, jol erejesin óreskel buzǵan avtokortejdiń barlyq qatysýshysy ustalǵan. Kináli adamdardy jaýapqa tartý úshin sotqa 17 zań buzý boıynsha materıaldar jiberilgen. Olardyń qatarynda qaýipsizdik beldikteriniń bolmaýynan bastap, apatty jaǵdaı týǵyzý deregine deıin zań buzý bar.
— Kólikter arnaıy avtoturaqqa qoıyldy. Kámeletke tolmaǵan jolaýshylardyń ata-analary da óz mindetterin tıisti túrde oryndamaǵany úshin jaýapqa tartylady. Polıtsııa azamattardy jol erejelerin saqtaýǵa jáne balalardyń ómiri men densaýlyǵyna qaýip tóndirmeýge shaqyrady, — dep habarlady departamentten.
Eske salaıyq, bıyl elimizde 217 myń túlek mektep bitiredi.