Almaty oblysynda marqumnyń balalaryna qalǵan úıi men jerin ápkesi ózine jazdyryp alǵan
QONAEV. KAZINFORM — Almaty oblysynda alıment boıynsha qaryzy bar qaıtys bolǵan boryshkerdiń balalarǵa qalǵan murasy — úıi men eki jer ýchaskesin marqumnyń týǵan apaıy zańsyz ıemdengen.
Almaty oblystyq prokýratýranyń málimetinshe, «G» esimdi azamatsha zańsyz áreketti balalardyń qaıtys bolǵan ákeleriniń múlkine ıelik etýge quqyq beretin qorǵanshylyq jáne qamqorshylyq organynyń kelisimin qoldan jasaǵan.
«Balalardyń quqyǵyn qorǵaý jáne olardyń bolashaǵyn qamtamasyz etý maqsatynda oblys prokýratýrasynyń talaby negizinde zańsyz árekettiń kúshi joıylyp, múlik balalarǵa qaıtaryldy. Qujattardy qoldan jasaý faktisi boıynsha jınaqtalǵan is qujattar polıtsııa organyna joldandy» dep habarlady Almaty oblysy prokýratýrasynyń baspasóz qyzmeti.
Jalpy Almaty oblysynda alıment óndirip alý jumysy sheńberinde balalardyń aldyndaǵy qaryzy bolǵanyna qaramastan sot oryndaýshylarynyń atqarýshylyq is júrgizýdi zańsyz toqtatýdyń 50-den astam faktisi anyqtalyp otyr.
«22 sot oryndaýshysy jaýapqa tartylyp, alıment tóleýdi qaıta bastaý jolymen 50 balanyń quqyǵy qorǵaldy», — dep habarlady prokýratýrada.
