Almaty oblysynda kúıeýin júk kóliginiń astyna ıterip jibergen áıel 10 jylǵa sottaldy
QONAEV. KAZINFORM – Almaty oblysynyń qylmystyq ister jónindegi mamandandyrylǵan aýdanaralyq soty adamdy qasaqana qazaǵa ushyratý faktisi boıynsha aıyptalǵan áıelge qatysty úkim shyǵardy.
Sotpen anyqtalǵanyndaı, ótken jyldyń qazan aıynda Almaty oblysy Qarasaı aýdany Almaty-Bishkek avtojolynyń boıynda sottalýshy K. men onyń azamattyq nekedegi kúıeýi M. arasynda janjal shyqty. Aıyptalýshy er adamdy júrip bara jatqan júk kóliginiń dóńgelekteriniń astyna ıterip jibergen. Sottalýshy mas bolǵan.
Al, jábirlenýshi M. alǵan jaraqattarynan sol jerde qaıtys boldy.
Sottalýshynyń kinási tolyǵymen dáleldengen jáne qylmystyq is materıaldarymen rastalǵan, atap aıtqanda: sottalýshynyń aıǵaqtarymen, kúálardyń jaýaptarymen jáne sotta zerttelgen basqa da dáleldemelermen.
«Sot úkimimen sottalýshy K. qylmystyq kodekstiń 99-baby 1-bóligi boıynsha kináli dep tanylyp, ony 10 jyl bas bostandyǵynan aıyrý jazasy taǵaıyndaldy», – delingen Almaty oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti málimdemesinde.
Úkim zańdy kúshine engen joq.
Buǵan deıin Almaty-Bishkek tasjolynda er adamdy júk kóligi astyna ıterip jibergen1963 jyly týǵan áıeldiń jedel izdestirý sharalary barysynda ustalǵany týraly jazǵan edik.
