Almaty oblysynda Kúrti — Qonaev avtojoly 4 jolaqqa keńeıdi
QONAEV. KAZINFORM — Almaty oblysynda «Kúrti — Qonaev» avtojolynyń 67 shaqyrymy qaıta jańǵyrtyldy.
«QazAvtoJol» ulttyq kompanııasy «Astana — Qaraǵandy — Balqash — Almaty» baǵyty boıyndaǵy mańyzdy býyn sanalatyn respýblıkalyq mańyzy bar «Kúrti — Qonaev» avtojolyn qaıta jańǵyrtý jumystary aıaqtalǵanyn habarlady.
Qazir uzyndyǵy 67 shaqyrym bolatyn jolda tórt jolaqty qozǵalys ashyldy. Bul joldyń ótkizý qabiletin jáne joldaǵy qaýipsizdikti edáýir arttyryp, jol júrý ýaqytyn qysqartpaq. Joba Eýropalyq qaıta qurý jáne damý bankiniń qarajaty esebinen qarjylandyrylǵan.
— Joba sheńberinde tórt kópir qurylysy, bir kólik aıryǵy, aıryq quramyndaǵy bir jol ótkeli, bes burylys alańy jáne 61 sý ótkizý qubyry salyndy. Nysan qurylysyna 305 maman men 104 qurylys tehnıkasy jumyldyryldy, — dep habarlady kompanııadan.
Eske salaıyq, Qonaev-Kúrti jolyn 2 jolaqtan 4 jolaqqa deıin keńeıtý jumystary 2020 jyly bastalǵan. Merdiger uıym — «Atyraýınjstroı-AIS» JShS.
Buǵan deıin atalǵan avtojoldyń jańǵyrtylýy óńirdiń tranzıttik áleýetti arttyrýǵa múmkindik beretinin jazǵanbyz. Qytaıdan kelip, Úlken Almaty avtomobıl aınalma jolymen júretin júk kólikteri endi Almatyǵa kirmeı Ortalyqqa Qazaqstanǵa jete alady.