Almaty oblysyndaǵy 683 ýchaskede mıllıonnan astam turǵyn daýys bere alady
QONAEV. KAZINFORM — Qazaqstanda jańa birpalataly Quryltaıdyń alǵashqy saılaýy ótip jatyr.
Búgin Almaty oblysynda 1 042 987 adam óz tańdaýyn jasaı alady, onyń ishinde kámilet jasyna tolǵan 14 104 azamat alǵash ret saılaýda daýys berý quqyǵyna ıe boldy. Aıta keteıik, óńirde tańǵy 7:00–den bastap 683 saılaý ýchaskesi óz jumysyn bastady.
Máselen, oblys ortalyǵyndaǵy № 956 saılaý ýchaskesinde Qazaqstan Respýblıkasynyń Memlekettik Ánurany oryndalǵannan keıin, daýys berý protsesi bastaldy. Munda alǵashqylardyń biri bolyp Qonaev qalasynyń qurmetti azamaty Amangeldi Bespaev keldi. Aqsaqal aldymen jınalǵan jurtqa bata berip, el úshin mańyzdy oqıǵada durys tańdaý jasaýǵa shaqyrdy. Qazaq dástúrinde mundaı aqjoltaı tilekter mańyzdy is-sharalardyń aldynda aıtylady.
— Elimiz órkedeı bersin! Jasaǵan tańdaýymyz keler urpaqtyń ıgiligine qyzmet etsin. Barsha jerlesterime amandyq, birlik pen bereke tileımin, — dedi qarııa.
Oblystaǵy barlyq saılaý ýchaskesi qajetti materıaldyq-tehnıkalyq quraldarmen qamtamasyz etilgen jáne daýys berýdi ótkizýge daıyn. Baıqaýshylardyń, senim bildirilgen adamdardyń jáne buqaralyq aqparat quraldary ókilderiniń qatysýy úshin barlyq qajetti jaǵdaı jasaldy.
Saılaý protsesiniń qoljetimdiligine erekshe nazar aýdaryldy. Aıta keteıik, óńirde 2 122 erekshe qajettiligi bar saılaýshy daýys berýge qatysa alady. Saılaý ýchaskelerinde daýys berýge arnalǵan arnaıy kabınalar, pandýstar, taktıldi kórsetkishter jáne qoljetimdi aqparattyq materıaldar qarastyrylǵan. Densaýlyq jaǵdaıyna baılanysty saılaý ýchaskesine ózdiginen kele almaıtyn azamattar úshin zańnamaǵa sáıkes daýys berýge arnalǵan úı-jaıdan tys, turǵylyqty jeri boıynsha daýys berý múmkindigi qamtamasyz etilgen.
Saılaý kúnine deıin óńir turǵyndaryna 1 mıllıonnan astam shaqyrý tabystaldy. Daýys berý kúni óz eldi mekeninen tys jerde bolatyn azamattarǵa 2 238 esepten shyǵarý kýáligi berildi.
Aıta keteıik, saılaý halyqaralyq baıqaýshylardyń qatysýymen ótip jatyr. Qazaqstan Respýblıkasy Ortalyq saılaý komıssııasy 42 shet memleketten jáne 13 halyqaralyq uıymnan 777 halyqaralyq baıqaýshyny akkredıttedi. Olardyń qatysýy saılaý protsesiniń barysyn halyqaralyq deńgeıde baıqaýǵa múmkindik beredi.
Saılaý ýchaskeleri zańnamada belgilengen ýaqytqa sáıkes jumysyn jalǵastyrady. Almaty oblysynyń turǵyndary ózderiniń konstıtýtsııalyq quqyqtaryn iske asyryp, Quryltaıdyń jańa quramyn qalyptastyrýǵa qatysa alady.
