Almaty oblysynda kúrdeli jóndeýden ótken mektep shatyrynan sý aqqan
QONAEV. KAZINFORM – Almaty oblysynyń №20 orta mektebinde kúrdeli jóndeýden keıin olqylyqtar anyqtaldy.
Almaty oblysynyń ákimdigi bilim basqarmasyna turǵyndardan mektep ǵımaratynyń tóbesinen sý aqqany týraly ótinish túskenin habarlady. Osyǵan baılanysty jergilikti atqarýshy organdar jedel túrde nysanǵa baryp, vızýaldy tekserý júrgizip, jaǵdaıǵa quqyqtyq baǵa bergen.
– Tekserý nátıjesinde anyqtalǵan olqylyqtar sol kúni merdiger uıymǵa resmı túrde kórsetilip, «Arsh Stroy» JShS kemshilikterdi belgilengen merzimde joıý boıynsha mindetteme alǵan. Shatyrdaǵy aqaýlardy joıý jumystary bıyl 1 aqpanyna deıin tolyq aıaqtalady, - dep habarlady ákimdikten.
900 oqýshyǵa arnap soǵylǵan №20 orta mektep 2013 jyly paıdalanýǵa berilgen. Alaıda búginde munda eki aýysymda shamamen 1 800 oqýshy bilim alady. Oqý orny 2024 jylǵy 21 mamyrda kúrdeli jóndeýge jabylyp, 2025 jylǵy 1 qyrkúıekte qaıta jumysyn bastady. Jóndeý jumystarynyń tapsyrys berýshisi – Іle aýdany ákimdigi, al merdiger – «Arsh Stroy» JShS.
– Tekserý barysynda mekteptiń jertóle bólmesinde sýdyń jınalǵany da anyqtalǵan. Qazirgi ýaqytta sýdy sorǵytý jáne bólmelerdi keptirý jumystary júrgizilip jatyr. Ylǵaldyń paıda bolý sebepteri naqtylanyp jatyr. Sonymen qatar drenaj jumystary buǵan deıin bastalǵanymen, tolyq aıaqtalmaǵan. Aýa raıy jylynǵannan keıin jumys jalǵasady, - dep tolyqtyrdy ákimdik ókilderi.
Eske salaıyq, buǵan deıin Almaty oblysyndaǵy mektepte 15 jastaǵy oqýshy mert boldy.