Almaty oblysynda qumdy zańsyz óndirgen azamat 25 mln teńgelik ekskavatorynan aıyryldy

QONAEV. KAZINFORM – Almaty oblysynyń Eńbekshiqazaq aýdanynda qum-qıyrshyq tas qospasyn zańsyz óndirýdiń qaıtalanǵan deregi anyqtalyp, quqyq buzýshy iri kólemdegi tehnıkasynan aıyryldy. 

Almaty oblysy prokýratýrasynyń habarlaýynsha, azamat «K» buǵan deıin ákimshilik jaýapkershilikke tartylǵanyna qaramastan, arnaıy ruqsat qujattarynsyz ekskavatordy paıdalanyp, paıdaly qazbalardy óndirýdi jalǵastyrǵan. Zańsyz óndirilgen materıal kólemi 32 tekshe metrge jetken. 

Onyń áreketi jer qoınaýyn paıdalaný salasyndaǵy zań talaptaryn óreskel buzý retinde baǵalandy. Birinshi satydaǵy sot quqyq buzýshyny Ákimshilik quqyq buzýshylyq týraly kodeksiniń 139-baby 2-bóligi boıynsha kináli dep tanyp, oǵan 220 myń teńge kóleminde aıyppul salǵan. 

Alaıda munymen bul iske núkte qoıylǵan joq. Zańnamaǵa sáıkes, mundaı quqyq buzýshylyqty qaıtalap jasaý tek aıyppulmen shektelmeı, quqyq buzýshylyq jasaý kezinde paıdalanylǵan quraldardy mindetti túrde tárkileýdi de kózdeıdi. Almaty oblysy prokýratýrasynyń aralasýynan keıin joǵary turǵan sot alǵashqy qaýlyny ózgertip, qosymsha jaza retinde naryqtyq quny shamamen 25 mıllıon teńge bolatyn «Zaxis LCN 200» markaly ekskavatordy tárkileý týraly sheshim shyǵardy.

Eske salaıyq, buǵan deıin Shyǵys Qazaqstan oblysynda paıdaly qazbalardy zańsyz óndirýmen aınalysqan sheteldik elden shyǵarylǵanyn jazǵan edik.