Almaty oblysynda aıyptalýshy sot zalynan qashyp ketti
QASKELEŃ. KAZINFORM — Adam zorlady degen kúdikpen ustalǵan aıyptalýshy Qaskeleń qalasyndaǵy aýdandyq sot zalynan qashyp ketti.
Jelide Almaty oblysyndaǵy avtojoldarda polıtsııa qyzmetkerleriniń tekseris júrgizip jatqan beınejazbalary tarady.
Almaty oblysynyń polıtsııasy bul derekti rastady. Kúdiktini ustaý úshin izdestirý jumystary júrgizilip jatyr.
- Qamaýǵa alynǵan kúdiktiniń qashyp ketý faktisi boıynsha qylmystyq is qozǵaldy. Qashqyndy ustaý boıynsha is-sharalar kesheni qabyldandy. Sonymen qatar bolǵan oqıǵanyń barlyq mán-jaıyn anyqtaý maqsatynda qyzmettik tekserý taǵaıyndaldy. Azamattardan sabyrlyq saqtaýdy jáne izdeýde júrgen adamnyń ornalasqan jeri týraly aqparat bolǵan jaǵdaıda 102 telefony boıynsha dereý habarlaýdy suraımyz, - dep habarlady oblystyq polıtsııa departamenti.
Eske salaıyq, byltyr osyǵan uqsas jaǵdaı bolǵan. Almaty oblysynda zorlaý isi boıynsha aıyptalǵan er adam qamaýdan qashyp ketkenin jazǵanbyz.
Keıin kúdikti K. Tereńqara aýylynyń shetinde ustaldy.